26 C
Bangalore
October 14, 2018
Untitled

ഋതമൃജുമൃദുസ്ഫുടവർണ്ണവാക്യം : അർത്ഥവും വ്യാപ്തിയും.

അദ്ധ്യാത്മരാമായണം കിളിപ്പാട്ട് സുന്ദരകാണ്ഡത്തിൽ ഹനുമാന്റെ രാമചരിതാഖ്യാനം കേട്ട് സീത അതിനെ ശ്ലാഘിയ്ക്കുന്നത് ഋതമൃജുമൃദു
സ്ഫുടവർണ്ണവാക്യം എന്നാണ്. ഈ പ്രയോഗത്തിന്റെ വ്യാപ്തി നമുക്കൊന്ന് പരിശോധിക്കാം.

ആദ്യമായി ആ പ്രയോഗത്തെ വിഗ്രഹിച്ചാൽ ഋതം, ഋജു, മൃദു, സ്ഫുടം, വർണ്ണം വാക്യം എന്നു കിട്ടും.

ഇതിൽ ഋതം എന്നാൽ സത്യം എന്നാണർത്ഥം. ഹനുമാൻ സത്യത്തെ അറിഞ്ഞവനാണു. സത്യത്തെ അറിഞ്ഞവൻ വിനയാന്വിതനായേ മതിയാകു. സത്യത്തിനു സജ്ജനങ്ങളിൽ വച്ച് സാധു എന്നു മേദിനിയുടെ മതം. സാധു ലക്ഷണം

यथालब्धोऽरिसन्तुष्टः समचित्तो जितेन्द्रियः । हरिपादाश्रयो लोके विप्रः साधुरनिन्दकः ॥ १ ॥ निर्वैरः सदयः शान्तो दन्भाहङ्कारवर्ज्जितः । निरपेक्षो मुनिर्व्वीतरागः साधुरिहोच्यते ॥ २ ॥

എന്നാണ്. അതായത് യാതൊരുവനാണോ സുഖത്തിലും ദുഃഖത്തിലും ഒരു പോലെ സമചിത്തനായും ജിതേന്ദ്രിയനായും വിഷ്ണു പാദം ആശ്രയിച്ചു പകയില്ലാതെ ദയവാനും ശാന്തനും അഹങ്കാരരഹിതനും ആയി ഇരിയ്ക്കുന്നതു, അവൻ സാധുവെന്നു മുനികളും വിദ്വാന്മാരും വാഴ്ത്തുന്നു. ഈപ്പറഞ്ഞ എല്ലാ ഗുണങ്ങളും ഹനുമാനിൽ ഉണ്ട്. അതുകൊണ്ടാണ് എഴുത്തച്ഛൻ ഉമാമഹേശ്വരസംവാദത്തിൽ തന്നെ ഹനുമാനു ബ്രഹ്മോപദേശം നൽകി അനുഗ്രഹിയ്ക്കുന്നതു. മറ്റൊരു കഥാപാത്രത്തിനും ഈ അനുഗ്രഹം ലഭിയ്ക്കുന്നുമില്ല. ആ അനുഗ്രഹം നേടിയ ഒരുവനു അതുപദേശിച്ച സിതാദേവിയോടു, ജഗതംബയോട്, ഋജം,അദരവോടുകൂടിയല്ലാതെ മട്ടെങ്ങനെയാണു സംസാരിയ്ക്കുക? ഇനി ആ ഉപദേശം പട്ടാഭിഷേകം കഴിഞ്ഞല്ലെ എന്നു വാദിയ്ക്കാം? എന്നാൽ സമുദ്രലംഘന ചിന്തയിൽ ജാംബവാൻ ഹനുമാൻ സൂര്യനെ ഫലമായി കരുതി അതു കൈക്കലാക്കാൻ ചാടുന്ന കഥ ആഖ്യാനിയ്ക്കുന്നുണ്ട്. വിദ്വാന്മാർ എന്തും വ്യംഗ്യമായേ പാറയു.ഇവിടെ സൂര്യനെക്കൊണ്ട് ജ്ഞാനത്തെയാണു അർത്ഥമാക്കുന്നത്. ഇന്ദ്രന്റെ പ്രഹരം ഇന്ദ്രിയങ്ങളും. ഇന്ദ്രിയംകൊണ്ട് ജ്ഞാനം മറന്ന ഹനുമാനു ജാംബവാൻ തിരിച്ച് ജ്ഞാനത്തിലേയ്ക്കു കൊണ്ടു വരികയാണു. ജ്ഞാനം ഉണർന്ന ഒരു വ്യക്തിയുടെ വാക്യം മൃദുവും സ്ഫുടവും (വിടർന്ന) വർണ്ണ്യവും അതായത് സ്തുതിക്കുന്ന പോലെയുള്ളതും അവാതെ തരമില്ല. അതുകൊണ്ടാണ് എഴുത്തച്ഛൻ ഋതമൃജുമൃദുസ്ഫുടവർണ്ണവാക്യം എന്നു പ്രയോഗിച്ചതു. ഹനുമാനു ഇതിൽ കുറഞ്ഞ ഒരുപമ അനിവാര്യമല്ല

Related posts

Leave a Reply

This site uses Akismet to reduce spam. Learn how your comment data is processed.